قال الفنان أحمد فهمي: "أكتر لعبة كنت بلعبها زمان وأنا طفل هي بنك الحظ والكوتشينة لحد دلوقتي بلعبها، أنا كنت شقي جدا وكنا نقعد نحدف بعض بالبمب واتعورنا كتير".
لعبة أحمد فهمي وكريم فهمي في الصغر
وأضاف خلال لقائه ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "كنت بحب ألعب أنا وكريم فهمي أخويا وإحنا صغيرين الكورة والكوتشينة".
صورة كريم فهمي ومشكلته مع شقيقه أحمد فهمي
وتابع: "كريم فهمي من وهو صغير بيخاف على منظره وبرستيجه ودايما يجيلي أنا اللي اتخانق له وكان أهدأ مني شوية بس أنا اللي متصدر له في أي مشكلة".
الفارق في الأعياد بين الماضي والحاضر
وأشار: "العيد زمان كان أحلى وكنا بنخرج عند جدتي وعددنا 10 أحفاد، وبعد عصر السوشيال ميديا مبقاش في حياتنا عيد وكل حاجة باظت وعلى جروب العائلة بنكتب كل سنة وأنتم طيبين وخلاص، دلوقتي كل حاجة بقت مزيفة وأكتر ناس بتشتغل في رمضان الجماعة بتوع التريندات".
دراما رمضان 2023
واستطرد: "النجاح في دراما رمضان 2023 بيبان في الشارع والموضوع مش محتاج التريند وفرق سوشيال ميديا، وأنا عندي فريق سوشيال ميديا بس عمري ما هعمل حملة على حد ولا هزيف حقيقة وأقول أنا رقم 1 في رمضان وأنا مش رقم واحد، السوشيال ميديا حولت كل حاجة مزيفة وكلها تدليس، أنا زمان كنت بتبسط برمضان والعيد وشم النسيم دلوقتي الحياة مبقاش ليها طعم".
في نفس اللقاء، قال الفنان أحمد فهمي: "كنت عايز أهرب لأمريكا وأنا صغير لما كان عمري 19 سنة، وفعلا هربت لأن ساعتها أبويا وأمي كانوا عاوزيني أكمل في كلية الهندسة وأنا مش حابب هندسة خالص وزانقيني".
حكاية هروب أحمد فهمي إلى أمريكا
وأضاف: "قلت لأبويا وأمي هسافر أمريكا أتفسح شوية وقتها أصحابي عرفوا فقالولي متروحش إحنا بنروح كام شهر وبنزهق وبنرجع".
نصيحة صديق أحمد فهمي قبل هروبه إلى أمريكا
وتابع أحمد فهمي: "واحد صاحبي اسمه محمد علام وهو توفي، قعد معايا في العربية وكان عامل نفس الحركة وهرب لأمريكا، وقال لي أنت هترجع وعمرك ما هتقتنع بحاجة إلا لو جربتها بنفسك يا إما هتفضل طول عمرك تقول يا ريتني، وفعلا روحت أمريكا، فأنا لازم أدخل أي تجربة علشان أتعلم منها، وعلشان كده مفيش قرار أخدته ندمت عليه أحيانا بتبقى في خسائر بس الفكرة إنك تبقى إنسان مش ممل".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر مصر اليوم وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.
