حل الفنان أحمد عزمي ضيفًا على برنامج واحد من الناس الذي يقدمه الإعلامي عمرو الليثي عبر قناة الحياة، وتحدث عن بدايته قائلًا: كانت بدايتي مع اذاعة صوت العرب في برامج الأطفال وكنت بقول أشعار بصوتي، واشتغلت مع أبلة فضيلة وكنت بقبض فى الحلقة ٣ جنيه وممكن أعمل 3 حلقات.
أحمد عزمي يتحدث عند بدايته
وتابع أحمد عزمي: أول عمل درامي عملت شخصية الظاهر بيبرس وهو صغير، وكنت في معهد فنون مسرحية دفعة أحمد رزق ونضال الشافعي ومحمود عبد المغني، وبعتز جدًا بفليم "الأبواب المغلقة".
وأيضًا بحب فيلم "قبلات مسروقة" والحقيقة اللي صعدني لدور البطولة في الفيلم استاذ ممدوح الليثي الله يرحمه وكان مؤمن بموهبتي.
وأضاف: إني اضطريت أعمل أفلام مقاولات علشان أقدر أصرف على بيتي، ومن الأعمال اللي بحبها عباس الأبيض ويتربى في عزو مع الأستاذ يحيى الفخراني.
كما قال أحمد عزمي كنت في السجن في الفترة الأولى من 2013 سجن الزقازيق، ورئيس مباحث السجن وكان بيجيب لي كتب معاه وبعد كده اقترح على ادارة السجن إني اشتغل في المكتبة واستفدت كتير منها.
واستكمل: الأستاذ وحيد حامد بعت لي وقال لي أنا باعت ليك علشان أعرف إنت بقيت كويس ولا لسه مجنون، واشتغلت معاه الجزء الثاني من مسلسل "الجماعة" استكمالا لشخصية عبد الرحمن في الجزء الأول واللي اخدت عليها جائزة.
أحمد عزمي يوجه رسالة للوسط الفني
وأشار إلى أن الوسط الفني لم يساعدني بعد الخروج من السجن ومحدش سأل عليا، بس أنا اللي كنت غلطان وأنا أعذرهم، والود بيني وبين الزملاء موجود وبكلمهم، بس هما كانوا مستنين مني إني أثبت ليهم إني خلاص رجعت وتخلصت من الإدمان.
وقبل الحبس روحت لدكتور نفسي علشان دور مدمن كنت بعمله، وبعد ما خرجت رشح لي دكتور يحيى الرخاوي وقال لي إنت خلاص جسمك تخلص من أي مخدر بعد السجن، لكن إنت محتاج نصائح وكنت بتابع مع دكتور.
ووجه عزمي رسالة للأعلام والوسط الفني والجمهور، قائلًا: إني أنا إبنكم وغلطت والحمد لله كان ليها مردود عند الناس وأنا حاسس بيه.
وأردف: بعد أزمة الادمان والتعافي اشتغلت بأجر زهيد بسبب الأزمة اللي حصلت لي، والاستاذة مها سليم مثال للمنتج اللي تحب تشتغل معاه، وكنت عامل دور ضيف شرف حلقتين في مسلسل 30 يوم مع آسر ياسين وطلبت أجر وفوجئت بالاستاذ مها سليم ضاعفت الاجر وقالت ليهم الاستاذ أحمد عزمي نجم كبير، مع إن ناس استغلت الأزمة وبدل 100 ألف أدوني 3 الآف جنيه.
أحمد عزمي يكشف عن أقرب أصدقائه
وعن أقرب الاصدقاء أجاب: ياسر جلال وعمرو عبد الجليل من الزملاء اللي بحبهم جدًا، وأحمد رزق طبعا صديق عمر واشتغلت معاه مسلسل الجبالي.
ملحوظة: مضمون هذا الخبر تم كتابته بواسطة الفجر ولا يعبر عن وجهة نظر مصر اليوم وانما تم نقله بمحتواه كما هو من الفجر ونحن غير مسئولين عن محتوى الخبر والعهدة علي المصدر السابق ذكرة.
