تحدثت الفنانة سميرة سعيد، عن حكايات حب حياتها وفترة شبابها وتفاصيل تتعلق بحياتها.
وأضافت "سعيد" أثناء لقائها مع الإعلامية وفاء الكيلاني في حلقة خاصة من برنامج "السيرة": "أول حب كان عندى 5 سنين وكان اسمه عتمان وساكن جنبنا وكنا نروح لغاية المدرسة ماسكين ايد بعض، بس شكلها كانت من طرف واحد ومكنش هو حاسس بحاجة".
وأضافت "سعيد":" تانى حب ليا كان من شخص بلجيكى لما حضرت فرح أخويا أنيس في بلجيكا، بس برده شكله كان حب من طرف واحد، وعيشت كمان في فترة المراهقة حب ميؤوس منه اللى هو مستحيل، عشان هو كان صغير وانا لسه بدرس وهو بيدرس ومحصلش لقاء وكان كله في الاحلام كنت عايشة بحب مع نفسى وعلى نفسى".
وتابعت:" اتخطبت لشاب مغربى سنتين ولكن سيبنا بعض لأن العلاقة لم تكن متكافئة في الفكر والثقافة وكنت أنضج منه بكتير، فمكنش ينفع نكمل سوا".
ملحوظة: مضمون هذا الخبر تم كتابته بواسطة الفجر ولا يعبر عن وجهة نظر مصر اليوم وانما تم نقله بمحتواه كما هو من الفجر ونحن غير مسئولين عن محتوى الخبر والعهدة علي المصدر السابق ذكرة.
