سميرة سعيد: حياتي أتسرقت مني وأتخطفت

حلت سميرة سعيد ضيفة في برنامج "السيرة" مع الإعلامية وفاء الكيلاني، والتي كشفت فيها عن أسرار في حياتها.

وقالت "سعيد" عن حياتها متنقلة بين المغرب ومصر: "أنا عمرى ماحسيت بالغربة وطول الوقت عندى تحفظ على الكلمة دى، وليا ناس بحبهم زى ما بحب إخواتى وأهلى".

وتابعت سميرة سعيد: "ليا كمان واحدة صديقة بكلمها لما أكون مضايقة ولما تخلص المكالمة بكون بضحك خلاص وهى صديقتى من 14 سنة، وبجد مصر فيها كم من الحب والود والعطاء بيدى لأى حد يجى من بره مشوفتهوش في مكان تانى".

وأضافت "سعيد": "بحس إن الحياة اتسرقت مني واتخطفت، وفي 30 سنة من عمرى عدت بسرعة، وأنا منغلقة بزيادة، وبثق فى الناس اللى أثق فيهم وبس، بحيث أكون مؤتمنة على أسرار ليا ومش إننا نتخانق فيروح يحكى كل حاجة قلتها".