تامر أمين يدافع عن نفسه ويعتذر لأهالي الصعيد

أكد الإعلامي تامر أمين خلال فيديو نشره عقب إحتلاله التريند بعد تصريحاته في برنامجه علي قناه النهار والتي لاقت غضب أهالي الصعيد والمناطق الريفيه أن ما يحدث هو حاله من التضخيم والإصطياد لتشويه صوره إعلاميين مصر قائلا " ناس أخدوا كلامي اللي بأتكلم فيه عن مبادره الرئيس السيسي لوقف الزحف السكاني والتصدي للزياده السكانيه وحاولوا يصوروه إني بأهين أهالينا في الصعيد والريف "

أستكمل " أولا لا  أنا ولا غيري نجرؤ أن نهين أهالينا الصعايده أو الفلاحين لأن أنا مقتنع أن الصعيد هو شرف وعزه وكرامه مصر وكل القامات الأدبيه والعلميه من الصعيد "

أوضح أيضا أنه يعتز بالفلاحين خاصه لأنه واحد منهم قائلا " أنا أصلا فلاح من الريف وأبويا من محافظه ريفيه فبالتالي محدش بيهين نفسه "

أضاف " ثالثا وده الأهم لو بصيتوا للفيديو الأساسي للحلقه أنا بتكلم إن فيه فئه قليله من اللي بتخلف 8،9 لحد دلوقتي بيبقا هدفهم يعملوا وسيله لكسب الرزق إنهم يشحنوا ولادهم وبناتهم يشتغلوا في البيوت و المشاغل والمصانع الفئه اللي بتعمل كده إحنا بندينهم لأنهم مبيدوش للطفوله حقها "

أشار إلي أن كل الضجه الحادثه إنما هي إصطياد وطالما الهدف الصالح العام فيجب الحذر والوعي وأستنكر قائلا " أقول لقناه الجزيره اللي نزلت الفيديو صحيح اللي فيه داء مبيبطلوش يموت الزمار وصباعه بيلعب ، طول الوقت عايزين تشوهوا صوره مصر والإعلاميين ولكن هيهات الصعايده والريف عارفين مين هو تامر أمين وأنا عارف أهلي وبلدي اللي جذمتهم علي راسي من فوق "