السيسي: لن نقوم بإجراءات عنيفة.. وحالة ثورة يناير ما زالت موجودة داخل الناس

طالب الرئيس عبد الفتاح السيسي، المواطنين بالانتباه إلى مشكلة النمو السكاني الهائل الذي يؤثر سلبًا في حياتهم المعيشية ومعدلات النمو الاقتصادي.

وقال الرئيس السيسي خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "عايز أقول للناس أنتو منتبهين لكلامي عن النمو السكاني ولا لأ.. عايزين نواجه مشكلات مصر مش لوحدي ولكن احنا مع بعض نستطيع، اللي احنا شايفينه من عشوائيات في الصحة والزراعة والصناعة كبير".اضافة اعلان

وعن قضية تنظيم الأسرة أضاف الرئيس السيسي: "هدفنا دائما الحفاظ على استقرار المجتمع ونتعامل مع رأي عام، والقضية كانت تشغل الرئيس عبد الناصر والسادات ومبارك ونحن أيضا ولكن الأمر في حاجة إلى دعم الجميع من مثقفين وأعلام ومفكرين.. وبقول للناس أنت انتبهت وأنت بتجيب 4 أطفال هتأكلهم وتعيشهم منين، لدينا اهتمام بتنظيم الأسرة ولكن لا يمكن أن نقوم بإجراءات عنيفة مع الناس في المرحلة دي لأن حالة الثورة واللي حصل في 2011 لسه ما خلصتش ولسه موجودة جوا الناس واحنا عارفين كده ولكن اللي احنا بنعمله فوق طاقة الدول والأموال اللي احنا بنضخها في المشروعات بتيجي من مصر واحنا مش هنرمي همومنا على الآخرين وقادرين نعمل أكتر من كده ولكن يجب على الناس أن تفهم ما نحن فيه، في 25 يناير 2011 قالوا عايزين عيش وأنا بقولهم عيش منين؟".