رسائل السيسي للمصريين بشأن الملفات الشائكة داخليا وخارجيا

قال الرئيس عبدالفتاح السيسي إنه خلال سنتين أو ثلاث تحديدًا عندما أطلق ملف المصالحة على مخالفات البناء، كانت رسالة للمواطنين بأن "عندنا مشكلة كبيرة، وانتوا من غير ما تقصدوا، والدولة مشتركة معاكم فيها، الدولة كانت غايبة، وغايبة سنين طويلة جدا".اضافة اعلان

وأكد الرئيس السيسى أن أزمة العقار المائل فى محافظة الإسكندرية تجسد الواقع.

وقال الرئيس السيسي: القضية حجمها كبير.. والواقع بتاع العمارة دي وعمارة فيصل تجسيد للواقع اللى إحنا فيه.

وأضاف الرئيس السيسى فى مداخلة هاتفية لبرنامج "الحكاية" مع الإعلامى عمرو أديب لما أطلقت موضوع المصالحة ومخالفات البناء الهدف منه.. إحنا بنقول للناس فيه عندنا مشكلة كبيرة جدا، والمشكلة دي من ضمنها إن الدولة غايبة من سنين طويلة.. وهذا يعني إجراءات غير مسيطر عليها".

وأشار الرئيس السيسي إلى وجود فساد إدارى وتنظيمي أدى إلى ظهور مثل هذه المشكلات فى الدولة المصرية قائلا: انت النهارده عايز مليون شقة سنويا.. وعايز توفر ده فى ظل قدرة مالية محددة.

وقال إن مصر في حاجة إلى توفير مليون وحدة سكنية سنويًا وهذا في حاجة إلى توفير موارد مالية كبيرة، مشيرًا إلى أن هناك مشكلة كبيرة في مصر تحتاج إلى التكاتف من أجل عدم استفحالها متعلقة بالحجم الهائل للعشوائيات.

وتابع: "هناك عمارات 13 دورا والمسافة بين العمارات الشاهقة في الشارع تصل إلى متر ومتر ونصف وهو سكن غير مخطط".

ولفت إلى أن هناك مخصصات 500 مليار جنيه لتطوير 4500 قرية على مستوى الجمهورية، مشيرًا إلى أنه كان المطلوب ضخ مليارات الجنيهات لدعم وتطوير هذه القري ولكن المشكلة ليست في الموارد ولكن الأمر متعلق بالإطار التنظيمي لكل قرية.

وأشار إلى أن الهدف من إنشاء 24 مدينة من أجل مواجهة العشوائيات، مؤكدًا أن حل مشكلة العشوائيات في مصر في حاجة إلى توفير ما بين 3 إلى 4 تريليونات جنيه.

وقال الرئيس السيسى إحنا داخلين على القرى ومخصصين 500 مليار جنيه للقرى، كم المطلوب ضخم والبلد مش قادرة توفره، مش المشكلة توفير المبلغ المشكلة فى الرسوم الهندسية، كل قرية ليها شغل مختلف، أنا بستفيد من فرصة البيت بتاع الإسكندرية احنا دارسين حاجتنا ومجهزين نفسنا، عندنا 100 ألف أو 200 ألف مخالفة فى الإسكندرية ومحتاجين مليون شقة، محتاج 3 إلى 4 تريليونات جنيه.

وأضاف أنا أقدر أعمل لكل الأجيال القادمة كل ده، مليون شقة، نحن تجاوزنا موضوع الإيجار كفكر، الناس عاوزة تعيش فى تمليك، وما قلته عن المساكن قولته قبل كده عندنا 40 إلى 50 % عشوائيات، اليوم إحنا داخلين على الريف، المشكلة مش مشكلة توفير التمويل اللازم، فهل إحنا هننجح ونحن متحركين فى إننا نقلل حجم النمو العشوائى، حجم الطلب اللى هينطلب السنادى والسنة الجاية احنا قادرين نوفره.

كما حذر الرئيس السيسى من ظاهرة الزيادة السكانية قائلا للمصريين: "انتوا يا ترى منتبهين لكلامي عن النمو السكاني ليكم ولا ..لا.. إحنا مع بعض نواجه مشكلة كبيرة.. لا أنا لوحدى.. ولا انتو لوحدكم.. إحنا مع بعض نستطيع".

وأضاف الرئيس السيسى أن قضية الزيادة السكانية منذ أيام الرئيس الراحل جمال عبد الناصر، واستمرت فى عهد الرئيسين الراحلين أنور السادات ومحمد حسنى مبارك

وقال: "الواحد يقول أنا عندي 4 عيال مش عارف أكلهم.. صحيح أنت مش عارف تأكلهم.. طيب انتبهت وأنت بتجيب الـ4 عيال".

وأضاف الرئيس السيسى: "لازم وإحنا بنشتغل كدولة نخلى بالنا من استقرار المجتمع.. ومش كل حاجة يتم تطبيقها مباشرة، ممكن تعمل إجراء نظرى صح لكن توقيت تطبيقه يمنع".

وأكد الرئيس السيسى، أن هناك اهتماما كبيرا بقضية تنظيم الأسرة خلال هذه الفترة.

وتابع الرئيس: مينفعش نعمل إجراءات قانونية عنيفة دلوقتى.. تأثيرات الثورة والغضب ما زال موجود جوه الناس لحد الآن.. لم ينته بعد.. ولكن يجب على الناس تساعدنا إنها تتفهم أسباب ما نحن فين وإحنا ليه وصلنا لكده.

وقال الرئيس السيسي إن قوة مصر نابعة من مؤسساتها وشعبها وليس من مؤسساتها فقط، ونحن حريصون على أن تكون كل تحركاتنا تهدف إلى بناء السلام والاستقرار.

وأضاف السيسي: الأوضاع الخارجية دائما مرتبطة بالأوضاع الداخلية والقرارات نابعة من الشعب ومن يستهدف فهو يستهدف الشعب ولا يستهدفنى، وكل الفكرة اجتزاء الحقائق.

وقال الرئيس السيسى إن موضوع التطعيم واللقاح موضوع مهم، وبندرس كل الموضوعات علشان ناخد القرار ونشوف هناخد مين الشرائح اللى هناخدها بالترتيب بتاعها، ولقينا عندنا الشرائح الأولى الأطباء وأصحاب الأمراض المزمنة 35 مليونا، فلوسهم موجودة مفيش مشكلة ولابد من السيطرة على الموضوع.

وأضاف عاوز الناس تطمئن، الجائحة مسيطرة على الدنيا كلها، وأنا عاوز أطمن الناس حاجتنا بتيجى وحاليا شغالين على الأطقم الطبية، وفى ناس بتقول مش عاوزة وحجم الطلب من 40 إلى 50 %.

كما طمأن الرئيس السيسى، المصريين بسبب تخوفهم من أزمة سد النهضة ومخاوف إضراره بالمياه فى السنوات المقبلة، قائلا: "نحن نقاتل بالتفاوض، طول ما إيدينا فى إيد بعض وثابتين ما نقلقش من أى حاجة، وهنوصل لنتيجة بالتفاوض وبثباتنا كمصريين فى موضوع سد النهضة".

وقال: "بشأن انزعاج الناس من كثرة إنشاء الكبارى فى مصر: أنا عايز أقول للناس هو انتو شايفين أن اللى إحنا بنعمل ده كان مطلوب ولا هو زيادة، انت عندك كام مليون عربية بتتحرك فى مصر، وكل سنة بتزيد 200 ألف، انتو متخيلين فقط هو أنا بعمل كتير فى الطرق بس، لا أنا بعمل كتير فى كل شىء فى كل القطاعات".

وأضاف الرئيس: "قطاع الطرق ده مرتبط بحياتنا فى مصر، وعلشان نقلل حجم الوقت الضايع والوقود اللى بيستهلك ويضر الناس، والله كله يتم من فضل الله والحمد لله".