أخبار عاجلة
حكم قضائي ضد رئيس وزراء بريطانيا -

كهربا: وقعت علي بياض للأهلى.. وتعرضت لغرامات بـ مليون و800 ألف جنيه حتى الآن

كهربا: وقعت علي بياض للأهلى.. وتعرضت لغرامات بـ مليون و800 ألف جنيه حتى الآن
كهربا: وقعت علي بياض للأهلى.. وتعرضت لغرامات بـ مليون و800 ألف جنيه حتى الآن
قال محمود عبد المنعم كهربا لاعب النادي الأهلي: "انتقلت للنادي الأهلي طمعا في العودة إلى بيتي وليس من أجل الشهرة أو المال لأني كنت نجما ومعى ما يكفيني من الأموال".

الطموح
وتابع خلال لقائه ببرنامج "العرافة" المذاع علي قناة "المحور": "لو كنت طمعان في فلوس كنت رحت بيراميدز لأنهم عرضوا عليا أكتر
بكتير من الأهلي".

غرامات كهربا
وأشار: "طلبت في الأول 20 مليون جنيه في السنة من ادارة الأهلي فرفضوا، وقتها وقعت العقود علي بياض وقلت لهم: حطوا اللى انتو عايزينه.. ولحد دلوقتي مخصوم مني مليون و800 ألف جنيه، وانا مش طماع ولكن طموح، واللى في جيبي مش بتاعي".

أفضل لاعب في مصر
ولفت: "عمرى ما تعاملت بتكبر مع أي عامل أو موظف في النادي الأهلي وكلهم بيحبوني جدا، أنا شايف نفسي أحسن لاعب في مصر مش الأهلي بس وده مش غرور ولكنه ثقة في النفس، ولو أخدت الفرصة هاكون في حته تانية، كل شوية عندي مشكلة وده بيعطلني، ولسه مأخدتش فرصتي في النادي الأهلي ولسه عندي كتير أقدمه للنادي وممكن يكون تقصير مني".

وسوسة الشيطان
واشار: "الشيطان وسوس ليا كتير إنى كنت حلو في الزمالك ولكن أنا دايما باقول: انت كان حلم حياتك انك تلبس تي شيرت النادي الأهلي، والكابتن ربيع ياسين وحسام البدري وفيريرا أكتر تلاتة طلعوا كل اللى عندي".

وكشف محمود عبد المنعم كهربا لاعب النادي الأهلي في نفس اللقاء، لأول مرة، كواليس مشاجرته مع محمد الشناوي الحارس الأول للأحمر.

مشادة أوضة اللبس
وأوضح خلال لقائه ببرنامج "العرافة" المذاع علي قناة "المحور": "أزمتى مع الشناوي كانت مجرد مشادة في أوضة اللبس ولم تتطور على الإطلاق".

أسلوب خاطئ
وتابع: "الشناوي معجبهوش طريقة كلامي معاه وكان أسلوبي معاه فعلا وحش ولكن انا ماخرجش منى شتيمة أو سباب ضده".

شرب الخمر
وأكد "كهربا": "أنا مابسهرش ولا باشرب خمرة وبامشي في النادي جوا الحيط".

ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر مصر اليوم وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.

السابق مران الزمالك.. أبو جبل يشارك في تدريب حراس المرمى على سرعة رد الفعل
التالى اخبار نادي الزمالك اليوم الجمعة 30/4/2021