كشف المنتج ومهندس الصوت هاني محروس عن تعاونات جديدة تجمعه بالمطرب مصطفى حجاج خلال صيف عام 2023.
هاني محروس يكشف عن أعماله مع مصطفى حجاج
تحدث هاني محروس خلال لقاءه في برنامج “رؤيا مصر” عن تفاصيل أعمالهم قائلًا:" بنستعد باذن الله للصيف دة عندنا ٣ أغاني باذن الله وكليب غير النجاح الكبير اللي عملته أغنية بنت الناس اللي لسة نازلة وتريند الوطن العربي ودة غير إنه بيستعد للتمثيل وهو مضى فيلم وهيكون طفرة".
وعبر الفنان مصطفى حجاج خلال اللقاء مع رؤيا مصر عن سعادته بهذه الخطوة كممثل قائلا: "خطوة جديدة مهمة والفيلم شبابي وقصته هيعملها الأستاذ هاني محروس وهتكون مفاجآة".
آخر أعمال الفنان مصطفى حجاج الغنائية
وفي سياق آخر، طرح المطرب مصطفى حجاج أغنيته الجديدة للجمهور والتي تحمل اسم "بنت الناس" ليفتتح بها صيف 2023 حيث تعاون في كلماتها مع الجوكر وألحان أحمد عبده وتوزيع أسامة عبدالهادي وإنتاج هاني محروس.
كلمات أغنية "بنت الناس"
تقول كلمات الأغنية:
اول ما أصحى بافكر أقابلك
ولا في بعدك ولا في قبلك
قلبي خلاص كلبش على قلبك
هقفل عليكي بمفتاح
كنت بدور هنا وهناك
شوفتك أنا جالي ارتباك
ازاي بنوتة بشكل ملاك
واهو كل الماضي ده تلج وساح
بنت الناس
شاغلة الراس
دي جديدة عليا
ليل ونهار
أنا بنهار
ولعة يا نار
عملت إيه فيا
صوتها في ودني بيعزف آلة
جوة حياتي بتثبت حالة
أبعد يوم عنها استحالة
غيرها عيوني أنا مش بتشوف
مش فاهم أنا إيه اللي حصلي
اي اللي بيجرالي حد يقولي
ده جمال مظبوط بقي بالمللي
خلاني بقيت أنا كدة ملهوف
بنت الناس
شاغلة الراس
والأحداث
دي جديدة عليا
ليل ونهار
أنا بنهار
ولعة يا نار
عملت ايه هي
ملحوظة: مضمون هذا الخبر تم كتابته بواسطة الفجر ولا يعبر عن وجهة نظر مصر اليوم وانما تم نقله بمحتواه كما هو من الفجر ونحن غير مسئولين عن محتوى الخبر والعهدة علي المصدر السابق ذكرة.
