نشطاء لـ«ريهام سعيد» بعد اتهامها البدناء بتشويه المنظر: لا تستحق التعاطف

بوابة فيتو 0 تعليق ارسل طباعة تبليغ حذف مشاركة الارباح
أثار للإعلامية ريهام سعيد غضب نشطاء مواقع التواصل الاجتماع " وتويتر"، خاصة أن ريهام سعيد وجهت كلامًا قاسيا لمن يعانون من السمنة.

وقالت ريهام سعيد في مقطع الفيديو: "اتكلمنا كتير ووعينا كتير وأنتم مابتسمعوش.. الناس التخينة ميتة.. عبء على أهلها وعبء على الدولة".

وتابعت ريهام سعيد: "الناس التخينة بتشوه المنظر.. يعني وأنت ماشية بالإسدال أو العباءة والجلابية، ومش قادرة تمشي وبتعرجي علشان ركبك واجعاكي، وكلك عرقانة لأنك عندك كمية السموم غير طبيعية، فقدتي أنوثتك وضحكتك وكل حاجة".

وتمادت في تطاولها على من يعانون السمنة قائلة: "دائمًا من يختارها رجل تخين جدًا.. علشان يبقي قدرها ويرضى بيها، هو دا السبب بدون إعجاب، فقط ينظرون للأحجام أنهم مقاس بعض، لازم يفشلوا" وغيرها.

ريهام سعيد عن مرض أديب: اتحسدت بسبب أكل سندوتشات الكبدة على الهواء

وأثار تطاول ريهام سعيد على من يعانون السمنة ردة فعل غاضبة لدى نشطاء مواقع التواصل الاجتماعي.

وقالت نانيس مختار: "على فكرة إحنا مش جهلة وانا شخصيًا اللي شايلة أمي ومن قبلها أبويا الله يرحمه وشايلة البيت وشايلة إخواتي وكل ما واحدة يحصل عندها حاجة أنا اللي بجري واسافر علشان أشوف مالها واخدمها اللي في عمليات واللي في ولادة والتانية واللي في عيل عيان وغيره وغيره وعارفين أن التخن مش ميزة بس احنا مش عالة عليكم ولا سُبة.. مش هقول إلا حسبي الله ونعم الوكيل فيك وربنا يبتليك أكتر واكتر انتي لا تستحقي لحظة تعاطف أو دعاء #منك_لله".

خبراء علم النفس يحللون شخصية ريهام سعيد

وأضافت إنجي يوسف: "مايصحش انها تقول الكلام ده عيب من عاب ابتلي وبعدين ربنا خالق كل واحد بجماله"، وعلقت مروة عاطف: "دي مبتتعظش..."، وردت عهود إبراهيم الشهالي: "هي نفسها كانت 120 كيلو"، وقالت أميرة شوا: " دي كانت فوق 120 كيلو".

أما سلوى محمد فعلقت: "انا اكتر واحدة بتجرى في أي حاجة لاخواتي ربنا يهديها"، ورد سيد عربي: "مش عارف ازاي بيتعملها برنامج وتقول الكلام ده"، وأضافت هبة إبراهيم: "مش فاهمة يعني على كدة أموت أختي عشان متبقاش عبء على الدولة.. هي بتاكل من جيب... ولا ايه.. حسبي الله ونعم الوكيل".

وقالت حنان جمعة: "انا زيك بالظبط يا ننوس وشايلة الدنيا كلها واخف واحدة في اخواتى مع انى أثقلهم وزنا النشاط والحيوية ملهمش علاقة بالوزن ابدا وهيجى وقت ناس تتخن وناس تخس عادى جدا.. هي مذيعة... وما اخترتش الفاظها كويس مش جديد عليها".

وعلقت نورهان مختار: "دول أخف ناس يبانو مليانين لكن خفاف فعلا نانيس أول واحدة بتجري على أي حد محتاجها شالتني وشالت عيالي في ولادتين وشايلة امي دلوقتي.. اه محدش بيبقى عايز يكون مليان لكن انتي إنسانة محبطة شوفي كام حد ممكن يتازم نفسيا بسببك يا مريضة ياللي عندك مرض الشراهة وبقيتي تبقي شبه المومياء من كتر النحافة... كنتي معدية الـ١٢٠ ك من عاب ابتلى".

ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر مصر اليوم وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.

إخترنا لك

أخبار ذات صلة

0 تعليق